Eglantina Gjermeni nuk do të jetë më pjesë e qeverisë Rama 2. Ministria e Zhvillimit Urban edhe pse ishte një nga shtyllat kryesore të katër viteve që lamë pas, dhe një nga gurët e themelit në fushatë duket se nuk e bindën Ramën për ta pasur si ministri në katër vitet që do të vijnë.
Kështu Gjermeni do të jetë vetëm deputete në katër vitet e ardhshme dhe pse kryesoi një nga qarqet më të rëndësishme, Durrësin.
Po nëse Rama e shkriu si Ministri, për të vlerësime mjaft pozitive ka patur ambasadori amerikan Donald Lu. Duke i shprehur mirënjohjen për bashkëpunimin, në letrën e tij shihet dhe mënyra si ai e thërret ish-ministren, Tina.
SHKRIMI I GJERMENIT DHE LETRA:
Energji pozitive nga një mik i mirë. Faleminderit Ambasadori Lu për bashkëpunimin shumë të mire, Tuajin dhe të Ambasadës së Shteteve të Bashkuara të Amerikës në vendin tonë . Kanë qenë të shumta dhe cilësore，projektet e hartuara dhe të zbatuara bashkarisht me Ju dhe Ministrinë e Zhvillimit Urban në 4 vitet e ekzistencës së saj.
………………..
E dashur Tina,
Në emër të kolegëve në Ëashington dhe të Ambasadës Amerikane në Tiranë dëshiroj t’ju përgëzoj për 4 vitet e shërbimit shembullor si Ministre e Zhvillimit Urban. Ju jeni një nga njerëzit e parapëlqyer në qeveri， për arsye të kujdesit dhe qasjes njerezore në punën tuaj. E di që kalimi nga shoqëria civile në politikë ka qenë një sfidë për ju, por kam besimin e plotë se Shqipëria është më e mirë për shkak të shërbimit tuaj në qeveri. E di gjithashtu që ju jeni një nga zërat më të fuqishëm në mbështetje të barazisë dhe çështjeve gjinore në Shqipëri. Jam i sigurt që puna juaj drejtuese në këtë fushë do të vazhdojë. Ka qenë kënaqësi të punonim me ju në cilësinë e Ministres dhe mirëpresim çdo bashkëpunim me në të ardhmen. Ne vlerësojmë atë që ju keni bërë për Shqipërinë dhe për marrëdhëniet Shqipëri SHBA.
Sërish përgëzimet më të përzemërta.
Sinqerisht
Donald Lu
(E.K/SHUPLAKA)
Discussion about this post