Juristi dhe sekretari për çështjet ligjore në Partinë Demokratike, Ivi Kaso ishte i ftuar në studion e Fax News ku foli për zhvillimin e fundit, atë të betimit para një noteri të Arta Vorpsit, anëares së re të Gjykatës Kushtetuese port ë pabetuar tek Presidenti i Republikës siç e parashikon ligji.
Kaso tha se vendimi i Vorpsit lë pak hapësirë për tu interpretuar ligjërisht. Ndërsa argumentoi se një akt noterial kurrë se si nuk mund të zëvendësojë betimin tek Presidenti.
“Besoj se sa i përket ligjshmërisë është e qartë, kriter Kushtetues quhet kur jep betimin tek Presidenti i Republikës, ka pak vend për diskutim qoftë edhe profesionalistësh. Për aq kohë sa mendon se zëvendëson me një akt neterial një vendim të Presidentit të Republikës, nuk përbën rast për të marrë detyrën e anëtares së kushtetueses. Hyjmë në një terren të paligjshëm dhe bëhet e vështirë për t’u interpretuar. Unë personalisht mendoj se nuk mund të marrë detyrën pa bërë betimin tek Presidenti”, tha Kaso.
Pyetje: Çfarë mund të nxisë një veprim i tillë, dhe çfarë e ka nxitur mendoni ju një veprim të tillë?
Kaso: Kandidatët që janë kualifikuar për të marrë një detyrë të tillë, duhet ta bazojnë në kushte normale gjithë veprimtarinë që e ka sjellë në këtë pikë. Pozicioni për të çilin është përzgjedhur të kryejë betimin, kërkon një përgjegjësi të lartë dhe njohje të lartë Kushtetuese që duhet ti ketë çdo kandidat. Nuk më shkon mendja që një kandidat i tillë që gëzon privilegje të tilla janë të vullnetshme, e ndryshe mund të jetë një arsye tjetër që ka të bëjë me ngutjen e personit në fjalë.
Besoj se kryefjala është ngritja sa më parë e institucioniit por në mënyrë të ligjshme. Nga ana tjetër kemi një mazhorancë që në mënyrë të pakuptueshme tregohet e ngutshme, padurim dhe ankth për të uzurpuar institucionet me njerëz besnikë të tij, e cila tregon se kush ka frikë nga drejtësia e re dhe institucionet e pakapura. Përkundër thirrjeve publike që është e fokusuar për ngritjen e institucioneve të reja, tregon se cila palë tenton sepse nuk mendoj se ia ka arritur apo do t’ia arrijë ti uzurpojë ato.
Besoj se emërimi në Gjykatën Kushtetuese do të ishte një gjevahir i çmuar dhe tundim profesional për çdo jurist përfshirë edhe mua, por këto emocione nuk mendoj se janë një fenomen për të prekur një person te caktuar. Ajo çka i prek më shumë qytetarët është funksionaliteti i organeve të drejtësisë. Vendi ka nevojë për një orë e më përë për GJK, GJL, SPAK. Kemi një situatë ku qeveria dhe parlamenti monopartiak janë jo të insteresuar por të sabotojnë, dhe tani që nuk i kanë më mundësitë ta bëjnë duke gjetur kanale për të penguar procesin.
(F.GJ/FAXWEB.AL)
