Deri në orën 3 të mëngjesit, numëruesit në të gjithë vendin kanë numëruar 246 kuti votimi nga 5225 që janë në të gjithë Shqipërinë.
Sipas shifrave zyrtare të raportuara nga Komisioni Qendror i Zgjedhjeve, votat në ccdo qark të përkthyera në mandate, japin një tablo ku Partia Socialiste kryeson thellë me numër mandatesh.
Kështu socialistët kanë deri tani 84 mandate, ku rezultatin më të mirë e kanë në Tiranë, Fier, Durrës dhe Elbasan.
Nga ana tjetër koalicioni i kryesuar nga Partia Demokratike është me 49 mandate, 14 më pak se sa morën PD dhe LSI katër vjet më parë.
Sa i përket partive të reja, PSD-ja e Tom Doshit është forcë e tretë politike në Kuvend me 3 mandate, koalicioni “Nisma Shqipëria bëhet” ka 2 mandate, ku përveç njërit në Tiranë, ka edhe një në Vlorë, ndërkohë që Partia Mundësia dhe Lëvizja Bashkë kanë nga një mandat.
