Teksa zgjedhjet për pushtetin lokal janë shumë afër, në radhët e Partisë Socialiste ka nisur puna, pasi koalicioni i vetëm që ata do të kenë është me qytetarët.
Të paktën kështu u shpreh në Asamblenë e sotme Taulant Balla, kreu i Grupit Parlamentar.
Nga ana tjetër në PS është vendosur që të gjithë kryebashkiakët të testohen për performancën e tyre, në kuadër të përgatitjeve për zgjedhjet e vitit 2019. PS ka vendosur të ngrejë një grup pune për vlerësimin e performancës së kryetarëve të saj në bashki.
Grupi drejtohet nga Ilir Beqaj, me anëtarë Englantina Gjermeni, Arben Ahmetaj dhe Evis Kushi. Në nisje të Asamblesë së PS, u bë e ditur se pyetësorëve ju janë përgjigjur vetëm 26 kryetarë, ndërsa kanë refuzuar 7 të tjerë.
Ky grup do të vijojë punën deri më 30 qershor, kur do të bëhet analiza finale dhe do të vendoset nëse do të rikandidohen apo jo kryebashkiakët socialistë për zgjedhjet e vitit 2019.
Nuk dihet nëse kjo është një taktikë e mirëmenduar e drejtuesve në PS, e cila kërkon që disa prej kryebashkiakëve aktualë të mos rikandidohen vitin e ardhshëm.
(E.K/FAXWEB.AL)
Discussion about this post