Komuniteti Mysliman Shqiptar ka zgjedhur këtë të shtunë kreun e tij, Bujar Spahiun. Tre ishin kandidatët për këtë post të rëndësishëm të Komunitetit Mysliman në vend, Bujar Spahiu, Ylli Gurra dhe Gramoz Glliku.
Zgjedhjet u vëzhguan edhe nga OSBE diçka që ka nxitur reagime jo të pakta ku një nga ata që kanë reaguar më ashpër është edhe ish-deputetja Mesila Doda.
Doda shprehet e habitur se si është e mundur që OSBE të vëzhgojë zgjedhjet e Komunitetit mysliman, ndërkohë që pyet se më çfarë mandate e bën këtë gjë.
Reagimimi i plotë i Mesila Dodës:
“OSBE vëzhgon zgjedhjet e Komunitetit mysliman. Me çfarë mandati??? Ky vend ka mbërritur kufirin e marrëzisë.
Merruni me ndonjë hall të vërtetë që ka ky vend e mjaft më me marrëzi ju lutem se po na hiqni çdo fije simpati për ndërkombëtarët. Është e sigurtë që atje nuk do gjeni lidhje me bandat e krimit…”, ka shkruar Doda.
Kujtojmë se procesi i votimit dhe numërimit të votimeve për zgjedhjen e drejtuesit të ri të KMSH ka përfunduar në orët e paradites së sotme ndërsa rezultati është si më poshtë:
Bujar Spahiu 59 vota
Ylli Gurra 26 vota
Gramoz Glliku 2 vota
Duke parë rezultatin e thellë të votimit, nuk ka nevojë për një raund të dytë dhe Spahiu është zyrtarisht kreu i ri i KMSH-së.
Procesi është shoqëruar dhe me akuza politike (Lexo këtu), teksa ish-kryeministri Sali Berisha deklaronte se Ylli Gurra ishte kandidati i preferuar i mazhorancës dhe për të po lobohej fortë nga disa deputetë të PS-së.
(F.GJ/FAXWEB.AL)
Discussion about this post