BBC së bashku me mediat e tjera ndërkombëtare nuk mund të raportojnë nga brenda Iranit, prandaj imazhet satelitore janë një mjet kyç për ne që të shohim dhe verifikojmë se çfarë po ndodh në vend, ndërsa sulmet e Izraelit vazhdojnë.
Pamjet më të fundit na kanë ardhur nga kompania e specializuar në imazhe satelitore Maxar. Ato duket se tregojnë dëmtime të mëdha në bazën raketore të Tabrizit, ku janë shkatërruar të paktën nëntë ndërtesa dhe dy hyrje tuneli.
Disa të tjera janë dëmtuar rëndë. Imazhet e Maxar gjithashtu kanë kapur dëshmi potenciale të sulmeve ndaj aeroportit të Mashhadit, rreth 750 km (470 milje) në lindje të Teheranit. Mund të shihet një aeroplan i madh që është shkatërruar, me bishtin që ka ngelur i paprekur.
Një imazh tjetër tregon atë që Maxar përshkruan si dronë Shahed të ruajtur në karroca dhe avionë luftarakë në bazën ajrore të Dezfulit në perëndim të Iranit.
