Ish-kryeministri Sali Berisha ka deklaruar se mazhoranca tentoi të organizojë arrestimin e ish-kryeprokurorit Ardiatik Llalla në kulmin e skandalit “Tahiri”.
Berisha tha në ABC Neës se prokuroria dhe qeveria tentuan të nxjerrin para opinionit publik, Llallën si një “peshk të madh” për të mbuluar çështjen ‘Tahiri.
“Pati një moment kur këta tentuan të zëvendësonin Tahirin me Llallën. Kur flitej për “peshq të mëdhenj” këta menduan që të nxirrnin Llallën si arrestim të madh për të mbuluar çështjen “Tahiri”. U duhej “të shpëtojmë një herë Tahirin dhe të shesim Llallën”. Jo. Tahiri është një baron droge dhe që zbatoi porositë e Edi Ramën.
Llalla akuzohet se ka pastruar para? Le të dënohet me masën më të rëndë. Nuk mbroj asnjë që ka shkelur ligjin, por “gjueti shtrigash” nuk pranoj për asnjë”, tha Berisha. (B.H/Faxweb)
Discussion about this post