Kriza financiare e vitit 2008 çoi në Recesionin e Madh dhe miliona vetë ngelën të papunë. U deshën vite që Amerika të shërohej dhe shumë qytetarë ende vijojnë të ndiejnë efektet.
Sipas bashkëthemeluesit të Microsoft Bill Gates, megjithatë, duhet të jemi të përgatitur për një tjetër krizë financiare.
Gjatë një seance pyetje-përgjigje në Reddit, javën e kaluar, kur Gates u pyet nëse, në të ardhmen e afërt, SHBA do të ketë një krizë tjetër të ngjashme me atë në vitin 2008, ai ofroi një përgjigje të hapur: “Po, kjo është e sigurt”.
Ai shtoi: “Për fat të mirë, e trajtuam atë në mënyrë të arsyeshme. Warren ka folur për këtë dhe ai e kupton këtë fushë shumë më mirë se unë.”
Përkundër paralajmërimit, të dy, si Gates dhe miku i tij Warren Buffett janë përgjithësisht optimistë për ekonominë e SHBA. Në një ese për revistën Time, Buffett deklaroi se vitet e rritjes “sigurisht janë përpara” dhe “shumica e fëmijëve amerikanë do të jetojnë shumë më mirë se prindërit e tyre”.
Gates përfundoi përgjigjen e tij duke thënë, “Pavarësisht nga ky parashikim i vështirësive përpara, jam mjaft optimist se kapitalizmi do të përmirësojnë situatën për njerëzit kudo”.
“Mos e shikoni tregun nga afër,” i këshilloi ai komentuesit të shqetësuar për kursimet e pensionit në atë kohë. “Nëse ata po përpiqen të blejnë dhe shesin stoqe, shqetësohen kur zbresin pak … dhe mendojnë se ndoshta duhet t’i shesin ato kur t’u rritet çmimi, ata nuk do të kenë rezultate shumë të mira”.
Përkundrazi, mendoni për një kohë afatgjatë dhe lereni të qetë investimin tuaj, thotë Buffett: “Nëse nuk jeni të gatshëm të blini një aksion për dhjetë vjet, as mos e mendoni ta zotëroni atë për dhjetë minuta”.
Discussion about this post