Ministri i Brendshëm, Fatmir Xhafaj paralajmëroi nga Fieri goditjen e grupeve kriminale që veprojnë në këtë qark. Xhafaj gjatë një takimi me banorët e Fierit, tha se shumë shpejt policia do t’i godasë këto grupe.
Xhafaj tha se deri më tani janë goditur 7 grupe kriminale nga operacioni “Forca e Ligjit”.
“Kemi identifikuar grupet kriminale në Fier dhe Lushnje. Shumë shpejt, policia do t’i godasë këto grupe. Shumë shpejt do shihni rezultatet. Lufta kundër krimit të organizuar do jetë pa kompromis”, u shpreh Xhafaj, i cili kërkoi mirëkuptimin e banorëve të Fierit dhe Lushnjes për kontrollet e ushtruara nga policia në ferma dhe sera për zbulimin e parcelave të kanabisit.”, tha Xhafaj
(M.Q/Faxweb)
Discussion about this post