Derbi i ndërprerë ditën e enjtë në “Selman Stërmasi” për shkak të shkëputjes së energjisë elektrike ka shkaktuar pakënaqësi ndaj stafit të Partizanit. Të kuqtë luajtën minutat e mbetura të ndeshjes ditën e nesërme ndaj Tiranës mirëpo barazimi 0-0 siç duket nuk është kapërdirë mirë. 
Ndaj, zyrtarisht klubi i Partizanit nëpërmjet një shkrese dërguar në Federaten Shqiptare të Futbollit, kërkon fitoren në tavolinë, duke qenë së klubi pritës, Tirana, kishte dështuar në marrjen e masave të organizimit të takimit. Klubi i kuq nuk është ndalur me kaq pasi ka kërkuar edhe revokimin e licencës së stadiumit “Selman Stërmasi” për atë që ndodhi në derbi, me argumentimin se nuk ishin marrë masat për një linjë rezervë ose gjenerator pas ikjes së dritave.
Partizani shkresë FSHF-së, kërkon fitoren në tavolinë ndaj Tiranës
