Pas takimit mes Kryeministrit Edi Rama dhe kreut të LSI-së Ilir Meta, kanë nisur përpjekjet e para për dialog.
Mësohet se eksponentët e PS-së dhe të PD-së që janë takuar pasditen e sotme, janë deputeti Oerd Bylykbashi dhe Taulant Balla, të cilët janë takuar për të diskutuar për një zgjidhje për krizën.
Mësohet se deputeti demokrat ka shprehur edhe një herë vendosmërinë për qeverinë teknike, kështu si rezultat palët janë tërhequr.
Më herët janë takuar edhe Kryeministri Edi Rama dhe kreu i LSI-së Ilir Meta, të cilët kanë diskutuar për fatin e koalicionit mes Partisë Socialiste dhe Lëvizjes Socialiste dhe çështje të tjera lidhur me situatën politike në vend. Mirëpo një takim i dytë mbetet ende i hapur.
Mësohet se Meta i ka kërkuar Ramës si kusht për koalicionin, që të përpiqet të dialogojë me opozitën, në mënyrë që të marri pjesë në zgjedhje. Duket se kryeministri ka nisur menjëherë përpjekjet e para, duke dërguar Taulant Ballën për bisedime. (D.D/Shuplaka)
Discussion about this post