Qeveria ka vendosur sot në mbledhjen e Këshillit të Ministrave, t’u japë një pension të posaçëm dymbëdhjetë figurave të shquara të artit, sportit dhe të fushave të tjera.
Pavarësisht se ky vendim u mor, katër ministra kanë qenë kundër tij, por kundër ka votuar vetëm njëri prej tyre. Të paktën kështu raporton portali Opinion.al.
Sipas ministrave në fjalë, disa prej emrave që kanë përfituar pension nuk e justifikojnë një vendim të tillë.
12 personalitetet që do të përfitojnë një pension të posaçëm nga qeveria janë: Edith Mihali, aktori i humorit Zef Deda, mjeku dhe ish-ministri Alfred Serreqi, sportistët Ilir Pernaska, Paulin Ndoja, Ramadan Rragami, Sabah Bizi, skenaristi Kujtim Gjonaj, Doktori i Shkencave Filologjike Çapajev Gjokutaj, por edhe Enver Shengjergji, Lulzim Balla dhe Lionel Konomi.
Ky pension iu jepet nga qeveria si shenjë mirënjohje për kontributin që këta figura kanë dhënë për Shqipërinë.
Mësohet se pensioni i posaçëm shtetëror është jo më shumë se dyfishi i atij maksimal. (D.D/Shuplaka)
