Përmbytjet në Durrës, evakuohen 10 familje

Situatë mjaft problematike paraqitet në disa lagje të qytetit të Durrësit ku uji vijon të jetë prezent.

Me problematike situata paraqitet në zonën e ish-Kënetës, në zonën e Plazhit, në Spitalle dhe në njësitë administrative të Sukthit e Katundit të Ri.

Deri më tani 10 familje të përmbytura janë evakuuar. Ndërsa vijon evakuimi i familjeve të tjera të prekura nga përmbytja.

Autoritetet lokale ndodhen në terren për të përmirësuar situatën, ndërsa po punohet për largimin e ujit nga banesat. Përmbytjes nuk i ka shpëtuar as qendra shëndetësore në Sukth, e cila është e përmbytur. Ndërkohë në qytet situata është normalizuar dhe uji është tërhequr nga rrugët.