Përplasen dy automjete në Mat, plagoset një person, arrestohen dy shoferët

Në Mat dy drejtues automjetesh janë përplasur me një njëri tjetrin dhe si pasojë ka ngelur i plagosur një person.

Aksidenti ka ndodhur te “Kryqëzimi i Farmacive” në Burrel  dhe ka ngelur i palgosur pasagjeri me iniciale B.D dhe ndodhet jashtë rrezikut për jetën.  Nga policia janë arrestuar të dy shoferët pasi  drejtonin mjetet e tyre pa patentë.  

DETAJE:

Drejtonin motomjetet pa leje drejtimi dhe gjatë një manovre të gabuar pëplasen me njëri tjetrin, duke u dëmtuar jashtë rrezikut për jetën një pasagjer

2 drejtuesit arrestohen në flagrancë nga Policia

Nga Specialistët e Qarkullimit Rrugor në Komisariatin e Policisë Mat u arrestuan në flagrancë shtetasit :

1. T, 20 vjeç, banues në Burrel
2. H, 18 vjeç, banues në Burrel.

Arrestimi i tyre u bë pasi rreth orës 15.30, datë 24.08.2017, në vendin e quajtur “Kryqëzimi i farmacive”-qyteti Burrel, të dy këta shtetas duke drejtuar dy motomjete pa targa dhe pa leje drejtimi pas një manovre të gabuar në ecje e sipër janë përplasur me njëri tjetrin, ku për pasojë është dëmtuar pasagjeri që ndodhej në njërin nga motomjetet shtetasi B.D, i cili është dërguar për ndihmë më të specializuar në spitalin e Traumës Tirane, jashtë rrezikut për jetën.

Materialet i kaluan Prokurorisë Rrethit Gjyqësor Mat për veprat penale “Shkelje e rregullave të qarkullimit rrugor”, “Drejtim i mjeteve në mënyrë të parregullt”, parashikuar nga nenet 290, 291 të Kodit Penal. (J.V/Shuplaka)