Përplasje brenda LSI-së, Gjok Buna kërkon mandatin e Armando Prengës

Deputeti i Partisë Socialiste, Gjok Buna, nuk është dakord që mandati i Armando Prengës t’i kalojë Petrit Gjonit, një tjetër deputet i LSI-së.

Buna ngre pretendimin mbi vendimin e Komisionit Qendror të Zgjedhjeve për t’ia lënë mandatin deputetit tjetër, duke paraqitur një ankesë në Kolegjin Zgjedhor.

Ai ka kërkuar që të shfuqizohet vendimi pasi mandati i deputetit i takon atij me ligj. Bëhet e ditur se seanca për shqyrtimin e kërkesës së Bunës do të mbahet ditën e nesërme në orën 12:00.

Më 27 mars, me 7 vota pro, KQZ vendosi që t’i japë mandatin deputetit të LSI-së, Petrit Gjoni.

“KQZ vendosi t’i japë mandatin e deputetit të Kuvendit të Republikës së Shqipërisë, kandidatit të radhës në listën shumemërore të Partisë Lëvizja Socialiste për Integrim, Qarku Lezhë, z. Petrit Preng Gjoni.”, citohej në njoftimin e KQZ-së.

(XH.A/SHUPLAKA)