Është identifikuar autori i dyshuar për plagosjen me armë zjarri të dy vëllezërve në Velipojë. Policia ka kryer arrestimin e shtetasit Besnik Ndoj, banues në Mali Kolajm, Velipojë. Ai akzuhet për plagosjen e shtetasve ,shtetasit Ervin Tahiri 30 vjeç dhe Durim Tahiri 27 vjeç.
Mësohet se është shpallur në kërkim autori i dytë, i dyshuar për ngjarjen.
Detaje të Policisë së Shkodrës:
Policia arrestoi brenda pak minutash njërin prej autorëve të plagosjes së dyfishtë në Velipojë dhe zbuloi armën e krimit, në kërkim autori i dytë.
Policia lokale mori njoftim se në Plazh Velipojë kishte një konflikt me armë ku mbetën të plagosur dy vëllezër, shtetasit E. T., 30 vjeç dhe D.T., 27 vjeç. Ata u dërguan drejt spitalit Rajonal të Shkodrës për të marrë mjekimin e nevojshëm.
Disa patrulla policie mbërritën në vendngjarje dhe falë organizimit dhe reagimit në kohë të shpejtë është ndaluar një nga autorët e dyshuar për ngjarjen kriminale.
Ai është Besnik Ndoj, banues në Mali Kolaj, Velipojë. Autorit iu bllokua arma e zjarrit tip ‘automatik’, model 56 e cila u sekuestrua në cilësinë e provës materiale. Policia gjithashtu ka ngritur disa pika kontrolli për të ndaluar autorin e dytë të implikuar në ngjarje. Ndërkohë po vijojnë hetimet për zbardhjen e plotë të rrethanave të ngjarjes.
(XH.A/SHUPLAKA)
Discussion about this post