Deputeti i Partisë Socialiste, Plarent Ndreca, përmes një postimi në rrjetet sociale është shprehur se ndjehet “i trishtuar” që deputetët e opozitës mblidhen sipas qejfit për të marrë vendime të Komisionit.
Ai ka reaguar duke thënë se Partia Demokratike është një parti “vulëhumbur”, që akoma, sot e kësaj dite, nuk po arrijnë ta gjejnë.”
Reagimi i Plarent Ndrecës:
“Trishtim i madh kur sheh kolegët e opozitës që mblidhen sipas qejfit, në mosrespekt të plotë të rregullave bazike të një organi kolegjial. Çdo vendimarrje është e Komisionit dhe jo e Kryetares se tij. Asnjë vendimarrja apo dakortësi nuk ka nga komisioni për mbledhje sot, pavarësisht se dje e kishim në rend dite, por u refuzua të shqyrtohet nga Kryetarja. Njoftimet e njëanshme dhe të pavotuara apo dakortësuara në komision, janë vijim i kulturës së mosnjohjes së proçedurave që i ka kthyer në parti “vulëhumbur”, që akoma, sot e kësaj dite, nuk po arrijnë ta gjejnë.”
Discussion about this post