Një polic ka mbetur i plagosur pas një sherri të ndodhur para disa minutash në qytetin e Peshkopisë. Sipas informacioneve të para, dy persona kanë plagosur me mjete prerëse policin, i cili ishte jashtë shërbimit. Një prej autorëve është arrestuar, ndërsa tjetri është shpallur në kërkim.
“Rreth orës 13.30, në qytetin e Peshkopisë, për motive të dobëta, dyshohet se shtetasit R.M, dhe A. M, kanë plagosur me mjet prerës, shtetasin B. Z., (punonjës policie i cili ka qenë pushim jashtë shërbimit), e po merr ndihmë mjekësore në spitalin e Peshkopisë, jashtë rrezikut për jetën.
Falë reagimit të menjëhershëm të shërbimeve të policisë është bërë kapja e shtetasit R. M,. i cili është shoqëruar në komisariat.
Grupi hetimor po punon për zbardhjen e rrethanave të ngjarjes.
Shërbimet e Policisë të D.V.P. Dibër dhe të Komisariatit të Policisë Dibër, po krehin zonën për kapjen e autorit të dytë”, njoftoi policia.
