I nxehti afrikan është rikthyer sërish, mirëpo duket se duket se kjo do të marrë fund javës që vjen. Metereologët parashikojnë se ditët e nxehta do të vijojnë deri diteën e shtunë, ndërkohë që të djelën e më turje priten, shira, erëra, madje edhe studi e bubullima.
“Këto masa ajrore të nxehta do të qëndrojnë deri ditën e shtunë. Edhe e premtja do të ngelet në të njëjtat kushte atmosferike. Moti do të jetë kryesisht i kthjellët, me temperatura të larta që do të ruhen deri të shtunën. Piku do të kapë deri edhe 38 gradë Celsius”, është shprehur për Top Channel Esona Gjoni, nga Shërbimi Meteorologjik Ushtarak.
Ndërkohë të dielën pritet që në zonat verilindore të ketë reshje shiu, por vendet e jugut do të jenë më pak të prekura nga ky ndryshim.
“Do të kemi mot fillimisht me kthjellime, më pas me vranësira drejt shtimit, që do të nxisin reshje shiu në mesditë dhe pasdite në pjesën veriore dhe veriperëndimore. Ndërsa gjatë natës vonë do të ketë reshje shiu, pjesërisht shtrëngata dhe stuhi, këto të përqëndruara në pjesën verilindore. Sa i përket jugut të vendit, ai do të jetë më pak i prekur”, tha më tej Esona Gjoni.
Por paralajmërimi më i frikshëm i Gjonit vjen për pas ditës së hënë, ku pritet të ketë ulje të temperaturave me 5-6 gradë Celsius.
“Temperaturat do të pësojnë një rënie të ndjeshme ditën e hënë, prej 6-7 gradë Celsius. Gjithashtu do të ketë edhe erë të vrullshme në bregdet me një shpejtësi edhe mbi 15 m/s. Në det të hapur do të kemi dallgë me forcë 5-6 ballë”, ishin fjalët e Gjonit. (D.D/Shuplaka)
Discussion about this post