Policia e Durrësit ka gjetur në rrugë një shtetas i cili ka humbur rrugën për në shtëpi dhe nuk mund të kujtojë as emrin e tij.
Përshkruhet rreth 30 vjeç dhe 1.60cm I gjatë, i veshur me një xhup ngjyrë vishnje dhe tuta blu.
Kushdo që mund ta identifikojë, të kontaktojë familjarët të cilët mund ta marrin pranë Komisariatit të Policisë Durrës ose të telefonojnë në numrin 112.
Njoftimi i policisë:
Durrës
Në ambientet e Komisariatit të Policisë Durrës, ndodhet një shtetas që nuk mban mend emrin dhe adresën e banimit, i cili është gjetur në rrugë, gjatë patrullimit nga shërbimet e Patrullës së Përgjithshme.
Ky shtetas është i moshës rreth 30 vjeç, i gjatë rreth 1.60 cm dhe mban të veshura xhup ngjyrë vishnje dhe tuta blu.
Familjarët ose të njohurit e këtij shtetasi mund të paraqiten në ambientet e Komisariatit të Policisë Durrës ose të telefonojnë në numrin 112.
