Viti 2017 është një vit elektoral për Shqipërinë. Në 18 qershor shqiptarët do ti drejtohen kutive të votimit për të[ zgjedhur qeverinë e re për 4-vjeçarin 2017-2021 dhe politikani, fati i të cilit vendoset nga këto zgjedhje është kreu i Partisë Demokratike, Lulzim Basha.
Një fitore e mundshme e bën atë kryeministër, ndërsa disfata do të ishte katastrofike për të ardhmen e tij politike.
Politologu Afrim Krasniqi, gjatë një interviste për “Ora News”, i ka dhënë dy këshilla liderit të opozitës, Lulzim Basha.
“Nëse mua do më kërkoje këshille do i thoja dy gjëra. Së pari duhet të hap partinë, jo me mitingje por me ide dhe grupe njerëzish që mendojnë se Shqipëria nuk po shkon në drejtimin e duhur dhe ky numër është shumë më i madh se oborri i PD.
Duhet të ndahet në mënyrë të prerë nga individët që kanë pasur problem në të kaluarën, problem korrupsioni dhe janë bërë headline për skandale politike dhe në selinë e PD janë në numër të madh. Dhe do të duhet të zgjerojë demokracinë vendimarrëse”, u shpreh Krasniqi. (A.R/SHUPLAKA)
Discussion about this post