‘’Pse askush nga analistët në media nuk merret me listat e PS-së dhe LSI-së’’, Myftaraj ‘’zbulon’’ arsyet

‘’Pse askush nga analistët në media nuk merret me listat e PS-së dhe LSI-së’’, kështu e nis analizën e tij kastriot Myftaraj.

Duke qenë se këto ditët e fundit vëmendja është përqëndruar shumë mbi listat e PD-së për zgjedhjet e 25 Qershorit, sipas Myftarajt kjo tregon kapjen e mediave.

Ai vijon më tej duke thënë se ky është presioni Edi Ramës dhe ngre pikëpyetjen nëse mund të ketë zgjedhje të lira sa kohë që media është e kapur.

STATUSI I PLOTË I MYFTARAJT:

Pse askush nga analistët në media (televizione, gazeta, portale) nuk merret me listat e kandidatëve për deputetë të PS-së dhe të LSI-së, por vetëm me listën e PD-së? Kur dolën listat e PS-së dhe LSI-së u tha se me to do të merreshin më vonë pasi vëmendja ishte e përqëndruar te negociatat mes Ramës dhe Bashës për marrëveshjen.

Tani që u shtynë zgjedhjet bëjnë gjoja se harrojnë që lista për kandidatë kanë edhe PS dhe LSI, përveç PD-së. Të gjithë televizionet në edicionet e lajmeve dhe emisionet politike janë hedhur në një mësymje të komanduar kundër listës së PD-së. Askush nuk iu jep hapësirë të pakënaqurve që mbetën jashtë listave të PS-së dhe LSI-së. E gjithë vëmendja është përqëndruar te opozita.

E me këtë Edi Rama nuk bën gjë tjetër vecse tregon shkallën e kontrollit që ka mbi median e të gjitha llojeve. A mund të ketë zgjedhje të lira nën një regjim që ushtron këtë kontroll politik mbi median? Imagjinoni cfarë kontrolli politik ushtron në fusha të tjera! (E.K/SHUPLAKA)