Ministria e Arsimit shpall datat e provimeve të maturës për këtë vit. Nëpërmjet një njoftimi për shtyp, ministria bën me dije se provimet do të nisin nga data 5 qershor, kur do të zhvillohet provimi i Gjuhës së Huaj, deri më 25 qershor kur do jepen provimet me zgjedhje.
Ndërkohë provimi i Gjuhës Shqipe do të jepet më 10 qershor, ndërsa provimi i matematikës më 15 qershor.
Nga ana tjetër, ministria sqaron se maturantët do të plotësojnë formularin e lëndëve me zgjedhje, të cilat i profizilojnë për Universitetet që do të ndjekin. Për këtë arsye ata duhet të bëjnë një zgjedhje të kujdesshme dhe të mirëmenduar.
Aktualisht Universitetet kanë nisur unifikimin e lëndëve, në mënyrë që të mos përsëriten të njëjtat problem si një vit më parë, lidhur me përllogaritjen e koeficienteve gjatë fazës së pranimeve. (D.D/Shuplaka)
Discussion about this post