Deputeti i Partisë Demokratike Tritan Shehu ka reaguar pas sqarimit të Kryeministrisë në lidhje me qendrën e rehabilitimit të ish-militantëve të ISIS që u përfol se do të ngrihej në Shqipëri.
Shehu e ka konsideruar falenderuar këshilltarin Sandër Lleshi për reagimin thotë se sqarimi nuk është ende plotësisht i qartë.
Ai shkruan në ‘Facebook’ se të tilla gjëra të rëndësishme nuk mund të mbahen në terr informativ, duke shtuar se tashmë është praktikë e kësaj qeverie mungesa e transparencës.
Deputeti i PD-së thekson se do ta ndjekë me vëmendje çështjen në fjalë edhe si N/Kryetar i Komisionit Parlamentar të Politikës se Jashtme.
Postimi i plotë:
Duke falenderuar Keshilltarin Lleshi per pergjigjen qe dha para pak minutash ndaj shqetesimit tim e te tjereve te ngritur reth nje Qendre Rajonale ne Shqiperi per studime a reabilitime, apo dicka tjeter ne lidhje me terroristet e ISIS prej Ballkanit, desheroj te theksoj se:
1- Se pari ky “sqarim” eshte shume i vonuar. Qekurse Kryeministri Borisov shaplosi dicka te tille ne Tirane e deri me sot kane kaluar shume dite, te mbushura keto me shume komente, pyetje etj nga media, analiste, politikane, ndaj kesaj ceshtje, qe sot “zvogelohet” shume ne konceptin e saj prej Keshilltarit.
Uroj te jete e te kete qene qe ne fillim i tille ky koncept.
2- Sidoqofte te tilla projekte reale apo dhe iluzive, me interesa madhore per vendin, nuk mund te mbahen ne “terr” informativ. Eshte detyra e institucioneve shteterore te bejne transparence, perpara se te shperthejne diskutimet e debatet.
Ne fakt eshte “zakoni” i kesaj Qeverie qe per te tilla ceshtje te veprojne ne konspiracion, derisa plas….
3- Cilado qofte pergjigja e sotme e Keshilltarit, per mua kjo ceshtje akoma nuk eshte plotesisht e qarte, kjo edhe per faktin se si u menaxhua deri me tashti.
4- Ne keto kushte do te vazhdoj ta ndjek me shume vemendje ne zhvillimet e ardheshme, edhe si N/Kryetar i Komisionit Parlamentar te Politikes se Jashteme.
(B.H/Faxweb)
Discussion about this post