Radhë kilometrike në Kakavijë, shqiptarët prej orësh të bllokuar në doganë (VIDEO)

S’kanë të sosur problemet për shqiptarët që kthehen nga Greqia në drejtim të Shqipërisë.

Burime nga pika kufitare e Kakavijës, bëjnë me dije se prej dy orësh sistemi është i bllokuar, gjë që ka bërë që qytetarët shqiptarë që vijnë nga Greqia në vendin tonë, të përballen me radhë kilometrike.

Sipas të njëjtave burime, thuhet se radha në këtë pikë kufitare shkon në 2 kilometra.

Nuk është hera e parë që pala greke me pretendimin që nuk punon sistemi elektronik, shkakton të tilla radhë, ndërsa qytetarët duhet të presin për orë të tëra për tu kthyer në atdhe.

Nga ana tjetër burimet thonë se nga Shqipëris drejt Greqisë, situata paraqitet normale, ndërsa të njëjtat burime thonë se nga Greqia në Shqipëri kalojnë vetëm ata persona që kanë pasaportë apo kartë identiteti greke.

(B.B/ Faxweb.al)