Kryeministri Edi Rama, përmes një video në rrjetet sociale ka njoftuar se së shpejti do të hapet në Korçë qendra e parë turistike e skive në vendin tonë. Rama e cilësoi Korçën “Parisin e Vogël” dhe tha se për një vit, gjysmë milionë njerëz kanë kaluar të paktën një natë në këtë qytet. Ai shtoi se ky projekt do ta fusë Korçën në hartën evropiane të turizmit dhe padyshim do të sjellë prurje për ekonominë e këtij qarku.
“Këtë dimër si asnjë dimër, 160 e kusur bujtina, njëra më e bukur se tjetra, plot e përplot çdo fundjave. Rreth gjysmë milionë vizitorë dhe turistë, që kalojnë të paktën një natë në “Parisin e Vogël” gjatë vitit. Një dekadë më parë mezi kalonin 50 mijë në vit dhe nuk kishte këmbë të huaji, ndërkohë që bujtinat numëroheshin me gishta dhe mezi mbanin veten. Por, tani i ka ardhur radha qendrës së parë turistike të skive turistike në Shqipëri, një projekt që do ta fusë Korçën në hartën evropiane të turizmit të skive dhe do të ndezë një motor të ri më shumë kuaj fuqi në ekonominë e gjithë këtij qarku, ku lidhjet e rilindura rrugore me Kolonjën dhe Përmetin kanë sjell një vlerë të shtuar në paketën e bukur turistike të kësaj zone. Mirë e më mirë, dhe më e mira është përpara për Korçën dhe gjithë Shqipërinë”, tha ai.
Discussion about this post