Kryesocialisti Edi Rama po mban një takim me qytetarët në Gjirokastër. Rama tha se ata që sot iu qajnë hallin pensionistëve, e kthyen pensionin në një asistencë.
“E kanë bërë ata që sot iu qajnë hallin pensionistëve. Përpara reformës ndodhën dy gjëra të rënda. E para, ju e dini më mirë u shkatërruar gjithë baza prodhuese e vendit, u nxorën të tërë në rrugë dhe 40 vjeç u quajtën pensionistë dhe u caktua një tavan 240 mijë lekë të vjetra, dhe t’i të hidheshe përpjetë se kaloje dot tavanin , pavarësisht sesa sigurime kishe. Pra pensioni u kthye në asistencë, nuk ishte pension. Çfarë ndodhi? Si dikush që nuk kishte kontribute, si Suzana, tavani ishte aq. Dhe zysha ka dalë me tavanin 24 mijë lekë. Sot me indeksimet e bëra vit pas viti, ka një pension 350 euro. Ndërkohë që zysha tjetër që ka dalë pas reformës, ne hoqëm tavanin dhe vendosëm bazën kontributive në themelin e skemës së pensioneve, dhe zysha tjetër në raport me kontributet e veta, megjithëse kanë të njëjtat vite ka pension më të madh, 380 euro. Këto ishin dy politikat e ndryshme për pensionet mes nesh dhe atyre që vijnë iu qajnë hallin pensionistëve”, u shpreh Rama.
