Edi Rama dhe Lulzim Basha janë përballë njëri-tjetrit, në tavolinën e ndërmjetësuar nga presidenti Bujar Nishani, për të zgjidhur krizën. Ndërkohë nënkryetari i LSI-së, njëkohësisht ministër i Drejtësisë Petrit Vasili ka komentuar negociatat.
”Ai që ka më shumë pushtet, lëshon më shumë”, komentoi Vasili.
”Besoj që do jetë një negocim jo i lehtë pasi është konsumuar një kohë e gjatë, në distancë të madhe, ka patur një retorikë shumë të ashpër që e bëri dialiogun të vështirë.
Do ketë vështirësitë e veta, do uroja si një shqiptar i thjeshtë që ata të dilnin pas 10 minutash me zgjidhjen me veten, por nuk besoj se është kaq e lehtë.
Do ketë një formulë kompromisi patjetër…sigurisht kompromis, në përkufizimin e artë të kompromisit: gjithkush lëshon nga vetja. Si rregull ai që ka më shumë pushtet lëshon më shumë, ai që ka më pak, lëshon më pak. Opozita ka më pak pushtet.
Z.Basha tha se jemi të gatshëm të toleroj.”, shtjelloi më tej Vasili te ”News24”. (V.G/SHUPLAKA)
Discussion about this post