Dosja voluminoze, që pala greke i dorëzoi autoriteteve shqiptare, në ngarkim të shumë të përfolurit Klemend Balili, ka sjellë reagimin e avokatit të këtij të fundit.
Mbrojtësi grek i “Eskobarit të Ballkanit” shprehet se e gjithë çështja ka prapavijë politike për shkak të zgjedhjeve të ardhshme në Shqipëri, duke implikuar në këtë skenar edhe disa oficerë të policisë greke të lidhur me politikanë grekë.
“Studimi i dosjes së çështjes tregon se të gjithë të pandehurit e arrestuar në Greqi janë të huaj për Balilin, askush nuk e njeh atë dhe askush nuk pretendon se ai ka kryer ndonjë krim” , ka thënë për TV Klan avokati i Balilit, Aleksios Kugias.
Dosja në ngarkim të Klement Balilit mbërriti në Tiranë në 12 Nëntor më një korrier diplomatik dhe pas përkthimit nga greqishtja iu dorëzua Prokurorisë.
Klement Balili, ose siç e quajnë ndryshe “Eskobari i Ballkanit”, akuzohet për përfshirje në trafik ndërkombëtar narkotikësh.
Discussion about this post