Reali i Madridit nuk po ndahet dot nga rezultatet negative.
Gjithçka ka arritur kulmin mbrëmjen e djeshme, teksa skuadra e Zidane u eleminua turpshëm nga Kupa e Mbretit.
Ndonëse fitoi 0-1 në sfidën e parë, skuadra e Zidanes u mposht me rezultatin 1-2 në ‘Santiago Bernabeu’ dhe u eliminua në mënyrë të turpshme nga ky kompeticion.
Leganes shënoi nga një gol në çdo pjesë, ndërsa Benzema barazoi përkohësisht shifrat për madrilenët, pak minuta pas fillimit të pjesës së dytë.
Ndonëse me shumë prej titullarëve ishin të lënë jashtë kësaj sfide, eliminimi i mbrëmshëm ishte tërësisht i papritur dhe mund të shkaktojë pasoja te skuadra e Fiorentino Perezit.
(E.K/FAXWEB)
