Kryetari i Partisë Republikane, Fatmir Mediu, ka komentuar zhvillimet më të fundit sa i përket reformës zgjedhore dhe procesit zgjedhor të 18 qershorit.
Sa i përket votimit elektronik, një kërkesë e fortë e opozitës, Mediu është shprehur se kjo gjë u bllokua nga PS-ja megjithëse në komision u ra dakord.
“Votimi elektronik minimizon shkeljet. Vendosja e vetos nga PS një hap negativ në këtë proces. Vonesa të qëllimshme për të bërë arnime”, ka thënë ndër të tjera Mediu.
Pak ditë më parë, gjatë një takimi me aletatët, kreu i PD-së Lulzim Basha është shprehur se pa votim elektronik nuk do të ketë zgjedhje me 18 qershor.
”Mos u ndalni në detaje, ne duam që qeverisjen të mos e vendosë krimi por vullneti i lirë i shqiptarëve. Rama e ka shpalosur që ditën që kaloi ligji i dekriminalizimit se do ta shfuqizojë ndikimin e tij. Përshëndes qëndrimin pro votimit elektronik të LSI-së, nga kushdo faktor politik. Sa i përket sistemit zgjedhor PD nuk është në kundërshtim të listave të hapura. Kur flas për hapje dhe fuqizim të qytetarëve kam nënkuptuar që qytetarët të kenë rol më të madh në zgjedhjen e kandidatëve. Votimi elektronik është zgjidhja që kthen vendimarrjen te qytetarët”, mbylli fjalën e tij Basha. (A.R/SHUPLAKA)
Discussion about this post