Gazment Bardhi, sekretari i përgjithshëm dhe kryetar i Grupit Parlamentar të PD-së, ka bërë thirrje për mbledhje të Grupit dhe të Kryesisë më datat 5 dhe 6 qershor.
Qëllimi i të dyja mbledhjeve do të ketë temë diskutimi situatën politike në vend, sikurse dhe organizimin e Partisë Demokratike, për të bërë të mundur ringritjen dhe forcimin e saj, ka shkruar në njoftim Bardhi.
Njoftimi: NJOFTIM I SEKRETARIT TË PËRGJITHSHËM DHE KRYETARIT TË GRUPIT PARLAMENTAR TË PARTISË DEMOKRATIKE, z. GAZMENT BARDHI
Nisur nga kërkesa e disa kolegëve anëtarë të Kryesisë së Partisë Demokratike dhe të Grupit Parlamentar, me qëllim vlerësimin e situatës politike dhe veçanërisht hapave që duhet të ndërmarrë Partia Demokratike e Shqipërisë për ringritjen dhe forcimin e saj, në përputhje me Statutin e Partisë kam vendosur:
– Thirrjen e mbledhjes së Grupit Parlamemtar të Partisë Demokratike, ditën e hënë, datë 05.06.2023, ora 12:00.
– Thirrjen e mbledhjes së Kryesisë së Partisë Demokratike, ditën e martë, datë 06.06.2023, ora 17:00.
Me Rend ditë të të dyja mbledhjeve: “Diskutimi mbi situatën politike ne vend, dhe mbi procesin e riorganizimit të PDSh.”.
Secili anëtar i Grupit Parlamentar dhe Kryesisë së Partisë, do të shfrytëzojë kohën në dispozicion për të elaboruar dhe propozuar zgjidhjet më të mira për forcimin dhe riorganizimin e partisë.
