Është rritur numri i personave që kanë mbetur të lënduar si pasojë e zjarrit masiv që përfshiu ndërtesën 27 katëshe në kryeqytetin anglez. Burime të policisë janë shprehur se do të duhet kohë për të mësuar se cili është shkaku i zjarrit që shkrumboi banesat e dhjetëra e dhjetëra banorëve.
Kreu i grupeve të zjarrfikëse që mbërritën në vendngjarje 6 minuta pas raportimit, konfirmon se ka viktima. Megjithatë nuk mund të publikohet numri i tyre për shkak të kompleksitetit të ndërtesës që vështirëson dhënien e një numri të saktë.
Banorët e kësaj ndërtese raportohet të kenë hasur shqetësime të kësaj natyre prej vitesh në këtë ndërtesë. “Siguria e ndërtesës ka qenë problem për një kohë të gjatë, jo vetëm tani”, janë shprehur banorët.
Mediat e huaja shkruajnë se ndërtesa shumëkatëshe iu nënshtrua një projekti riparimi me vlerë 9.7 milionë paund, i cili përfundoi vitin e kaluar. Megjithatë, pas një viti, “Grenfell Tower” është përfshirë nga flakët për shkaqe ende të panjohura.
(XH.A/SHUPLAKA)
[ngg_images source=”galleries” container_ids=”2123″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
