Një operacion antidrogë i koduar “Rrjeta”ka vënë në pranga një person në qytetin e Lezhës dhe ka shpallur një tjetër në kërkim. Kjo pasi në bashkëpunim me njëri-tjetrin ata kultivonin dhe trafikonin drogë.
Detajet e policisë:
Sekuestrohen 22 kg lëndë e dyshuar narkotike Mariuanë
Arrestohet në flagrancë 1 shtetas si dhe shpallet 1 tjetër në kërkim
Me datë 03.02.2017, në vijim të operacioneve për goditjen e veprimtarisë kriminale të prodhimit dhe shitjes së lëndëve narkotike dhe vendosjen para përgjegjësisë penale të autorëve, nga efektivët e Seksionit kundër narkotikëve në Drejtorinë Vendore të Policisë Lezhë , u finalizua me sukses operacioni i radhës antidrogë i koduar “Rrjeta” ku si rezultat i tij:
U arrestua në flagrancë shtetasi K.M. 47 vjeç, banues në Mirditë si dhe u shpall në kërkim dhe punohet për kapjen e shtetasit E.D. 33 vjeç, banues në Mirditë.
Këta 2 shtetas në bashkëpunim me njëri tjetrin, janë konstatuar në fshatin Tarazh në Mirditë, me 22 kg lëndë e dyshuar narkotike Marijuanë , e paketuar në 20 pako gati për shitje.
Nga ndërhyrja e forcave policore është bërë e mundur kapja në flagrancë në ikje e sipër e shtetasit K. M., kurse shtetasi E.D. ka arritur të largohet duke përfituar nga errësira dhe terreni i thyer malor.
Materialet procedurale iu referuan Prokurorisë së Rrethit Gjyqësor Lezhë për veprën penale “Prodhim dhe shitje e lëndëve narkotike” parashikuar nga neni 283/2 i Kodit Penal. (E.K/SHUPLAKA)
