Ruçi i vë ”pikën”: Qeverinë e zgjedh populli nuk mund të votohet kur të duash, zgjedhjet mbahen në 18!

Kreu i grupi Parlamentar Gramoz Ruçi nga Fieri ku ka ndarë disa leje legalizimi ka dhënë sërish sot një përgjigje për kërkesën e opozitës mbi shtyrjen e zgjedhjeve.

Ai ka deklaruar se kjo është antikushtetuese dhe se qeverinë duhet ta zgjedh populli me votë të lirë.

Ai ka sqaruar se PS-ja është e gatshme që të ulet dhe të diskutojë mbi çdo rekomandim për zgjedhjet të mbështetur nga OSBE-OHDIR-i.

‘’Diskutimi i datës 18 është një Shqipëri e destabilizuar, ne jemi të gatshëm për çdo ndryshim në Kodin Zgjedhor. Sipas Kushtetutës zgjedhjet duhet të mbahen njëherë në 4 vjet.

Kemi detyrimin kushtetues dhe moral që të mos lejojmë destabilizimin e vendit. Qeverinë e zgjedh populli nuk mund të votohet kur të duash’’, ka deklaruar Ruçi nga Fieri.

Duhet thënë se dhe Rama gjatë mbledhjes së kryesisë ditën e djeshme ka theksuar faktin se vendi do të shkojë në zgjedhje në datën e parashikuar dhe se nuk do të merret parasysh kjo kërkesë e opozitës. (E.K/SHUPLAKA)