Sulmuesi nga Cërriku, Armando Sadiku në konferencën për shtyp para gazetarëve, ka thënë sa herë vjen në ekipin kombëtar ai vjen me mendimin se do të lërë gjurmë dhe se në çdo ndeshje ku ka munguar për arsye dëmitimi “përbrenda qaj”, ka thënë ai.
“Kur vij në ekipin Kombëtar mendoj gjithmonë se do të vij dhe të lë gjurmë në çdo ndeshje. Në ndeshjet ku kam munguar për arsye dëmtimi, qaj përbrenda meje sepse nuk jam në fushë. Në çdo ndeshje kërkoj të lë gjurmë dhe të bëj diçka që askush nuk e ka bërë. Në Kombëtare jam më të mirën time, edhe kur nuk jam në formën më të mirë mundohem të lë zemrën në fushë”, është shprehur Sadiku.
Ndërkohë që për kontaktet me ish-trajnerin e kombëtares , De Biazin ai ka zbuluar edhe mesazhin që ish-trajneri i ka dërguar në lidhje me ndeshjen kundër Spanjës.
“Nuk është se kam pasur ndonjë kontakt, thjesht i kam dërguar një mesazh, e kam uruar për detyrën e re. Nuk kam pasur ndonjë komunikim të gjatë. Para 2-3 ditësh më ka shkruar një mesazh, në qoftë se fitoni ndaj Spanjës, do t’iu bëjnë heronj në Itali”, tha Sadiku. (S.SH/Shuplaka)
