Në një konferencë për shtyp, ministri i Brendshëm, Saimir Tahiri, ka renditur arritjet e Ministrisë së Brendshme dhe Policisë së Shtetit gjatë vitit 2016.
Ministri i Brendshëm u shpreh se puna e ministrisë dhe Policisë së Shtetit është përqëndruar ndër të tjera edhe tek “peshqit e mëdhenj” që nuk janë më të paprekshëm.
“Puna jonë e fokusuar tek “peshqit e mëdhenj”, 47.6 milionë euro pasuri dhe asete kriminale të sekuestruara gjatë vitit 2016. Në vitin 2013, policia kishte sekuestruar 1.2 milionë euro pasuri kriminale. Nuk është e mjaftueshme por jemi në rrugën e duhur për të kapur të paprekshmit. Sot ata nuk e shijojnë dot atë liri si më parë.
Përgjigje për ata që mendojnë se ligjet tona për ata që nuk kanë mundësi, që nuk kanë pasuri e lidhje me koka të rëndësishme. Kjo krijon premisa për të pasur më shumë siguri nesër. Prioriteti ynë ka qenë lufta kundër korrupsionit. 933 zyrtarë të arrestuar në çdo fushë që sipas vlerësimit të policisë përbën fushë me rrezik të lartë për korrupsion.”, u shpreh Tahiri.
Ai renditi më tej disa arritje në 2016-ën, vit kur u zgjerua mundësia e qytetarëve sidomos përata që kanë nevojë për policinë.
“270 mijë telefonata nga publiku në numrin 112 në Tiranë dhe 129 jashtë Tiranës, kjo është shenjë besimi dhe përgjegjësi. Janë afërsisht 40 mijë denoncime në aplikacionin e Komisariatit Digital. Një mjet i aksesueshëm kollaj, i sigurtë dhe që ruan anonimatin. Janë 87 mijë e 90 konflikte të trajtuar gjatë vitit 2016, përndryshe numri i madh i tyre do kishte përfunduar në vepra më rë rënda, 38 mijë vepra penale më kap se në 2015-ën.
Të gjitha këto kanë ndikuar për të dytin vit radhazi në uljen e gjithë treguesve të kriminalitetit, janë shërbyer mbi 350 mijë qytetarë nëpër zyrat e shërbimit të Policisë së Shtetit. Qyyetari kontakton me operatorë që bëjnë ndërmjetësin, i cili përbën avokatin e qytetarit.”, citoi më tej ministri i Brendshëm.
Vijon
(XH.A/SHUPLAKA)
