Samiti për sigurinë e IA-së mbledh liderët dhe CEO-të botërorë të etur për masa më të lehta

Udhëheqësit botërorë dhe drejtuesit e teknologjisë u mblodhën në Paris për të diskutuar mënyrat e përvetësimit të sigurt të inteligjencës artificiale (IA). Ky takim u zhvillua në një kohë kur bizneset po përballen me një rritje të rezistencës ndaj burokracisë, e cila po pengon inovacionin. Ndryshe nga samitet e mëparshme në Britaninë e Madhe dhe Korenë e Jugut, që u fokusuan më shumë te rreziqet e IA-së pas lançimit të ChatGPT në 2022, tani dëshira për të frenuar zhvillimin e IA-së ka zbehur dhe diskutimet janë bërë më të balancuara.

“Nëse duam rritje, vende pune dhe progres, ne duhet të lejojmë inovatorët të inovojnë, ndërtuesit të ndërtojnë dhe zhvilluesit të zhvillohen”, tha CEO i “OpenAI” Sam Altman në një artikull në gazetën “Le Monde” përpara samitit.

Disa liderë të BE-së, duke përfshirë pritësin e samitit, presidentin francez Emmanuel Macron, gjithashtu shpreson se fleksibiliteti do të zbatohet në Aktin e ri të IA-së së bllokut për të ndihmuar bizneset fillestare.

“Ne nuk duhet të kemi frikë nga inovacioni”, shtoi ai.

Masat e hershme të Trump në lidhje me IA-në nënvizuan se sa shumë kanë ndryshuar strategjitë për të rregulluar inteligjencën artificiale në SHBA, Kinë dhe BE.

Ligjvënësit evropianë miratuan vitin e kaluar Aktin e IA-së së bllokut, grupi i parë gjithëpërfshirës në botë i rregullave që rregullojnë teknologjinë. Gjigantët e teknologjisë dhe disa kryeqytete po bëjnë presion që ai të zbatohet me butësi.

Ndërkohë, “DeepSeek” i Kinës sfidoi lidershipin e IA-së së Shteteve të Bashkuara të Amerikës, muajin e kaluar duke shpërndarë lirshëm një sistem arsyetimi të ngjashëm me njeriun, duke nxitur rivalët gjeopolitikë dhe të industrisë që të garojnë më shpejt.