Sapo ishte kthyer nga SHBA, detaje nga shpërthimi në banesën e ish-shefit të Policisë në Shkodër (Video)

Kanë dalë detaje të reja lidhur me shpërthimin me granatë që ndodhi mëngjesin e sotëm në banesën e një ish-polici në qytetin e Shkodrës.

‘’Faxweb.al’’ mëson se Shqyri Çela ka qenë efekiv i policisë së Shkodrës deri para 4-5 vitesh kur ka dalë në pension.

Për dy vite me rradhë nga 1992-1994 ai ka qenë shef në komisariatin e Shkodrës, ndërsa së fundi ai ishte shpërngulu për të jetuar jashtë vendit.

Vetëm pak ditë më parë Çela është kthyer nga Shtetet e Bashkuara të Amerikës, ndërsa ka qenë i vetëm në banesë në momentin kur ka ndodhur shpërthimi.

Fatmirësisht dëmet kanë qenë material, dhe Çela nuk ka pasur asnjë lëndim. Nuk dihet ende shkaku që kanë çuar autorët të kryejnë një shpërthim të tillë, dhe as nëse ngjarja ka lidhje me detyrat që Çela ka mbajtur në Policinë e Shkodrës.

Detajet: 

Më datë 07.06.2018, rreth orës 03.00, jemi njoftuar se në oborrin e banesës të shtetasit Sh. Ç, vjeç 63, banues në lagjen Partizani Shkodër, i kanë hedhur një granatë, e cila ka shpërthyer duke dëmtuar disa xhama të banesës, nuk ka persona të dëmtuar

Nga kqyrja paraprake e vendit të ngjarjes është konstatuar edhe një granatë luftarake e pashpërthyer, ku është kërkuar ndërhyrja e specialistëve të Njësisë Anti-eksploziv.

Vijojnë hetimet për zbardhjen e plotë të ngjarjes dhe identifikimin e kapjen e autorëve.

(E.K/FAXWEB.AL)

https://www.youtube.com/watch?v=6yTJFa3F7p8&feature=youtu.be