Një sasi e madhe droge është gjetur dhe sekuestruar në Gjirin e Bristanit në Karaburun. Si rezultat i bashkëpunimit të Policisë Kufitare Vlorë me Delta Force dhe Guardia di Finanza u sekuestruan plot 1 ton e 283 kilogramë drogë.
Burime të policisë bëjnë të ditur se sasia e madhe e drogës ishte gati për t’u trafikuar drejt Italisë. Po vijojnë kontrollet e ushtruara nga toka dhe deti, si dhe puna për identifikimin dhe kapjen e autorëve të implikuar në këtë tentativë të trafikimit të lëndëve narkotike.
Detaje të Policisë së Vlorës:
Policia ka realizuar Operacionin antidrogë të koduar “MEGA” ! Sekuestrohen 1 Ton e 283 Kilogramë lëndë narkotike e dyshuar si Cannabis Sattiva, në Gjirin e Bristanit, Karaburun!
Policia e Vlorës në bashkëpunim me Policinë Kufitare Vlorë, Delta Force dhe Guardia di Finanza, në bazë të informacioneve të marra në rrugë operative, zhvilluan një operacion të përbashkët nga toka dhe deti ku si rezultat u bë e mundur gjetja dhe sekuestrimi i një sasie të konsiderueshme me lëndë narkotike në vendin e quajtur “Gjiri i Bristanit” Karaburun, në tentativë për t’u trafikuar me mjete të shpejta drejt Italisë.
Në bazë të këtij operacioni të përbashkët, Policia ka konstatuar në afërsi të bregut të detit, 47 çanta të mbushura me lëndë narkotike, të fshehura në 3 vende të ndryshme në pyll, rreth 500 m larg nga Gjiri i Bristanit.
Operacioni po vazhdon ende të zhvillohet nëpërmjet kontrolleve nga toka dhe deti, përgjatë gjithë shtrirjes së Gadishullit të Karaburunit. Po punohet për zbulimin dhe kapjen e autorëve të implikuar në ketë tentativë të trafikimit të lëndëve narkotike, si dhe për dokumentimin e plotë të ngjarjes.
(XH.A/SHUPLAKA)
[ngg_images source=”galleries” container_ids=”1385″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post