Sekretari i Përgjithshëm i PD-së, Gazment Bardhi ka reaguar në lidhje me përplasjet të ditës së sotme në Sheshin “Skënderbej”, mes qytetarëve që kishin dalë në një tubim dhe efektivëve të Pòlicisë ku u shoqëruan me dhùnë në komisariat 14 persona.
Bardhi ka publikuar pamjet e ngjarjes në fjalë ndërsa thekson se dhùna e sotme është pasqyrë e règjimit që ka ndërtuar Edi Rama në vitin 2020 ndërsa ndalimin e protestuesve e quan të paligjshëm.
“Sjellja kríminale e Edi Ramës ndaj aktivistëve të shoqërisë civile në Ditën e Europës është e papranueshme. Dhùnimi dhe shoqërimi i paligjshëm i grave dhe vajzave është i paimagjinueshëm në një shtet të së drejtës. Pòlicia e Shtetit nuk mund të urdhërohet të veprojë kurrë si një bándë kríminale.
Pamjet në Sheshin Skëndërbej janë pasqyrë e regjimit që ka ndërtuar Edi Rama në vitin 2020. Sot u bë edhe më e qartë arsyeja se përse Edi Rama kërkon mbylljen e qytetarëve në shtëpi. Qytetarëve që i është mohuar e drejta e mbështetjes ekonomike nga Qeveria në kohë epidemia, po tentohet ti mohohen edhe të drejtat minimale për të protestuar. Kjo është e papranueshme!
TË GJITHË AKTIVISTËT E SHOQËRISË CIVILE TË SHOQËRUAR PADREJTËSISHT DHE NË KUNDËRSHTIM ME LIGJIN NË PO LICI, DUHET TË LIROHEN MENJËHERË.
E drejta e protestës paqësore është themeli i demokracisë dhe askush nuk mund të pengohet në ushtrimin e kësaj të drejte. Nëse në Ditën e Europës qytetarëve i mohohet e drejta për të protestuar paqësisht, e ardhmja europiane e Shqipërisë do të jetë shumë e largët. Procesi i integrimit europian mbi të gjitha nënkupton përqafimin e vlerave europiane në sjelljen e institucioneve dhe mbi të gjitha në qeverisje”, shkruan Bardhi përkrah pamjeve nga tubimi.
(F.GJ/FAXWEB.AL)
Discussion about this post