Në Shkodër vijon puna për vendosjen e semaforëve. Kryetari i Bashkisë Shkodër, Benet Beci, ka inspektuar punimet që po kryhen në qendër të qytetit për vendosjen e semaforëve.
Ai ka parë nga afër ecurinë e punimeve, të cilat pritet të përfundojnë deri në fund të muajit Mars, ku semaforët do të vendosen përgjatë bulevardit “Skendërbeu”.
Fillimisht do të vendosen semaforët pranë Bulevardit “Skendërbeu”, ndërkohë që më pas do të plotësohet edhe Bulevardi “Zogu I”.
Vendosja e semaforëve, fillimisht pranë sheshit kryesorë të qytetit, ka dalë si nevojë e rregullimit të trafikut dhe lëvizshmërisë së qytetarëve në këtë zonë të qytetit. Ky investim është parashikuar edhe në kuadër të planit të mobilitetit që po hartohet nga Bashkia Shkodër.
Discussion about this post