Është hedhur sot në orën 13:00 në Nion të Zvicrës shorti i Ligës së Europës që përcaktoi 16 çiftet që do të përballen në raundin tjetër të këtij kompeticioni.
Skuadrat që kanë dalë nga i njëjti grup dhe vijnë nga i njëjti kampionat janë përjashtuar nga mundësia për të sfiduar njëra – tjetrën, kështu ky short ka prodhuar sifda tepër interesante.
Tre ndër përballjet më të vështira pritet të jenë Vijareal – Roma, B.Myshengladbah – Fiorentina dhe skuadra e Ergys Kaçes, Paok ndaj Shalke 04. Ndërkohë Mançester Junajtid i Zhose Murinjos ka pasur fat pasi do të përballet ndaj një rivali relativisht jo të vështirë, siç është skuadra franceze e St. Etienit.
Ndeshjet e para do të luhen në shtëpinë e vendeve të dyta ndërsa e kthimit në atë të kryesuesve në grupe.
Finalja e “Europa Ligës” do të luhet në kryeqytetin e Suedisë, Stokholm.
Discussion about this post