Një shpërthim ka ndodhur këtë mbrëmje në një lokal në Vaqarr të Tiranës, si pasojë e të cilit kanë mbetur të plagosur dy persona.
Mësohet se lokali në fjalë është shkatërruar plotësisht. Megjithëse ende nuk dihen shkaqet e sakta, policia dyshon se shpërthimi ka ardhur nga një bombol gazi. Lokali në fjalë ndodhet pranë një karburanti tek Ura e Beshirit.
“Në zonën e Vaqarrit, tek një lokal pranë një karburanti ka ndodhur një shpërthim. Si pasojë e shpërthimit kanë mbetur të dëmtuar 5 shtetas, ku dy prej tyre ndodhen në gjendje jo të mirë shëndetësore. Nga hetimet paraprake rezulton se pika e furnizimit të pikës së karburantit me lendën djegëse benzinë, ndodhet në brendësi të lokalit, ku gjatë furnizimit të kësaj pike karburanti dyshohet se ka ndodhur një reaksion kimik duke kthyer lendën djegëse të benzinës nga të lëngët në të gaztë. Si pasojë e një shkëndie elektrike në ambientet e lokalit është shkatuar ndezja e lëndës duke shkaktuar edhe shperthimin ku mbetën të dëmtuar shtetasit: – E. L., 24 vjeç – N. H., 23 vjeç – A. L., 53 vjeç – L. D., 48 vjeç – M. M., 38 vjeç Grupi hetimor në vendin e ngjarjes po punon për sqarimin e plotë të rrethanave të kësaj ngjarje”, thuhet në njoftimin e policisë. (D.D/Shuplaka)
