Shtyhet sërish seanca për Haradinajn në Francë për në datën 27 prill.
Gjykata në Colmar të Francës e ka shtyrë sërish dhënien e vendimit për kreun e AAK Ramush Haradinaj.
Gjatë seancës ai ka akuzuar drejtësinë franceze se po e mbajnë pa të drejtë në këto kushte.
Gjykata ka deklaruar se në 27 prill do të jepet vendimi final.
Haradinaj ndër të tjera është shprehur se gjykata po bie pre e propagandës serbe.
“Kanë bërë krime në Kosovë dhe mi faturojnë mua”,- është shprehur Haradinaj.
Në fjalën e sotme të prokurorit thuhet se Haradinaj dyshohet për vrasjen e disa romëve në Kosovë gjatë kohës së luftës.
Prokurori ka thënë se romët kanë dhënë emrat e viktimave dhe sipas tyre Haradinaj ka shtyrë njerëz për t’i kryer veprat.
Në provat e prokurorisë jepen edhe disa emra të viktimave.
(M.D/ Shuplaka)
