Shtyrja e zgjedhjeve, Përparim Spahiu: Jo më larg se 16 korriku

Me një status në Twitter, deputeti i LSI-së Përparim Spahiu  ka shkruar se zgjedhjet e përgjithshme të 18 Qershorit mund të shtyhen. 

“Meta vendos pikat mbi i, zgjedhjet jo më larg se 16 korriku”,-shkruan Spahiu në Twitter.

Presidenti i zgjedhur Meta  në “Top Story” dje bëri publike detaje nga paketa e propozimeve që zëvendës presidenti i Partive Popullore Evropiane, David McAllister, ofroi për opozitën gjatë vizitës së tij në Tiranë për zgjidhjen e ngërçit politik.

Ai po ashtu shtoi se nëse edhe dorëheqja e tij si president i zgjedhur do ta ndihmonte situatën ai do të ishte i gatshëm ta bënte këtë veprim.

Meta shtoi se për të nuk është tabu nëse zgjedhejt parlamentare shtyhen. Ai shtoi se mund të shtyhen edhe me një apo dy javë, vetëm që mos të shtyhen pafundësisht. (M.D/Shuplaka)