Sot në mbrëmje përballen në tre televizione të ndryshme Edi Rama, Lulzim Basha dhe Ilir Meta. Rama do jetë te Top Channel, Basha te Klan dhe Meta te Ora News.
Por moderatorja Sonila Meço shkruan se është në mëdyshje t’i shohë apo t’i bojkotojë.
”Sonte, si në një trekëndësh të rrallë astrologjik, tre njerëzit më të rëndësishëm të politikës do të jenë njëkohshëm në ekran, ose ‘kazan’…ose në atë mjetin që krijon çdo ditë ‘kampe përqëndrimi’ të një shoqërie që nuk po di t’i rebelohet propagandës dhe shpëlarjes së trurit.
Do të na thonë se fitoi ai që kapi kulmin e audiencës dhe kështu do të na ç’fokusojnë mjaftueshëm për të besuar se alternativë nuk ka, ose nëse ka përpiquni me të gjithë arsenalin konspirativ të zgjidhni rebuset mes batutave dhe gjuhës së trupit.
Mos t’i shohesh nuk i bën më të besueshëm e as i dekurajon. T’i shohesh a mos i shohësh, kjo nuk është çështja. Ja pra që revolucionin e bëri politika në këtë vend, jo shoqëria.
Një pyetje do ketë vlerë në shpalljen e rezultatit zgjedhor: ‘humbën a fituan shqiptarët?’, përgjigjen e së cilës nuk mund ta dimë nga ‘kampi i përqëndrimit’ ku na kanë degdisur me propagandë e as nga matësit e taruar papraprakisht të audiencës”, shkruan Meço.
Discussion about this post