Spanja ka urdhëruar Airbnb të heqë mbi 65,000 oferta për qira pushimesh nga platforma, pasi ato kanë shkelur rregulloret ekzistuese të vendit.
Ky veprim vjen si pjesë e një fushate të gjerë kundër ndikimit të Airbnb dhe platformave të tjera të ngjashme në krizën e strehimit që po përjeton vendi.
Ministria e Konsumatorëve e Spanjës ka deklaruar se shumica e listimeve të bllokuara nuk përfshinin numrin e licencës që është i detyrueshëm për çdo pronë që ofron qira turistik.
Disa prej këtyre ofertave gjithashtu nuk specifikonin nëse pronari ishte një individ ose një kompani, një tjetër shkelje e rregullave lokale që kërkojnë transparencë të plotë në lidhje me pronarët e pasurive të patundshme.
Ky veprim është pjesë e përpjekjeve të autoriteteve spanjolle për të luftuar ndikimin e turizmit masiv në tregun e pasurive të patundshme, ku shumë qytetarë, veçanërisht në qytetet si Barcelona dhe Madrid, po përballen me rritje të çmimeve të qirave dhe pasurive për shkak të numrit të madh të pronave që ofrohen për qira afatshkurtër për turistë.
Spanja ka ngritur shqetësime se Airbnb dhe platformat e ngjashme kanë kontribuar në reduktimin e disponueshmërisë së shtëpive për banorët vendas, duke çuar në një rritje të çmimeve të qirave dhe duke nxitur spekulime në tregun e pasurive të patundshme.
