Zgjedhja e Frank-Walter Steinmeier në krye të Republikës Federale të Gjermanisë, është vlerësuar nga disa përfaqësues të institucioneve qeveritare në Kosovë.
Presidenti i Kosovës, Hashim Thaçi, është shprehur përmes një postimi në “Facebook” se roli i Gjermanisë është vendimtar për stabilitetin në rajon dhe mbështetja e saj për Kosovën ka forcuar subjektivitetin ndërkombëtar të shtetit të Kosovës.
“Miku i Kosovës, Frank-Ëalter Steinmeier, ka qenë mbështetës i vazhdueshëm edhe sa ishte ministër i Jashtëm i Gjermanisë, veçanërisht për dialogun me Serbinë, ndaj të cilit ne mbesim të angazhuar deri në normalizimin e plotë të marrëdhëniet tona si dy shtete të pavarura”, është shprehur Thaçi.
Nga ana tjetër, kryeministri kosovar Isa Mustafa, deklaroi se Gjermani ka qenë dhe mbetet një zë i fuqishëm në Bashkimin Europian për vendet e Ballkanit.
“Me Presidentin Steinmeier vendet e Ballkanit do të kenë një zë të fuqishëm në BE për të nxitur politikat e zhvillimit, integrimin e rajonit tonë në BE dhe për të garantuar paqen në këtë pjesë të Evropës”, ka shkruar Mustafa. (XH.A/SHUPLAKA)
Discussion about this post