Në Komisionin e Stabilizim-Asocimiit në Strasburg në kuadër të integrimit të Shqipërisë në BE ka folur dhe deputetja e Partisë Demokratike njëkohësisht dhe Kryetarja e Komisionit të Integrimit Jorida Tabaku. Tabaku ka thënë në fjalën e saj se në Shqipëri në 12 vite parlamenti nuk ka arritur të bëjë një Reformë Zgjedhore të plotë. Nga ana tjetër Tabaku tha se duhet folur për problemet që sjellin zgjedhjet në Shqipëri.
“Më vjen keq të them që për 12 vitet e fundit parlamenti nuk ka qenë në gjendje të bëjë një reformë të plotë elektorale dhe ka të bëjë me vullnetin politik. Opozita e ka mbështetur procesin e integrimit dhe jo me fjalë por me veprime konkrete. Askush nuk ka nevojë për një proces ku gjërat ndodhin vetëm në letër dhe nuk reflektohen në terren. Duhen ndryshuar zgjedhjet, duhet diskutuar për problemet që sjellin zgjedhjet.”-tha Tabaku
